BREAKING NEWS

Wararkii Ugu Dambeeyay Qaraxii saakay ka dhacay Muqdisho (Daawo Sawirada)

Faah faahino dheeraad ah ayaa kasoo baxaya qarax khasaaro geestay oo saakay ka dhacay agagaarka Daarta NBC oo kutaala degmada Hodan ee Gobolka Banaadir.

Qaraxa oo ahaa miino wadada dhinaceeda lagu aasay ayaa lala eegtay gaari Qooqan ah ay laheyd Jaamacada Simad, waxaana gaariga xiliga la qarxinayay uu marayay Laamiga 30-ka gaar ahaan halka loo yaqaan MBC.

Inta la xaqiijiyay hal qof oo ahaa darawalkii gaariga waday ayaa ku dhintay qaraxa halka uu ku dhaawacmay ruux kale oo la socday, waxaana goobta uu qaraxu ka dhacay gaaray ciidamo katirsan booliiska oo baaritaano kawada.

Gaariga la qarxiyay ayaa lagu qaadi jiray shaqaalaha ajaaniibta ah ee wax ka dhiga Jaamacada Simad, waxaana xiliga qaraxa gaariga lala eeganayay la sheegay in uu kasoo laabtay Jaamacada uu geeyay shaqaalo.

Qaraxyada miino ee lala eegto gaadiidka ciidanka iyo kuwa qooqanada ah ayaa maalmahan kusoo badanaya magaalada Muqdisho, waxaana maalin kahor sadex qarax miino siyaabo kala duwan uga dhaceen qeybo kamid ah Muqdisho.

|| Warbaahinta WidhWidh Online News Desk ||

-- Nagala soo xariir : WidhWidh@gmail.com

Share this post

PinIt
    scroll to top