BREAKING NEWS

Nin fududeeyay Dilkii loo geestay Paul Anthony Farmosa oo saakay Xukun lagu riday

Maxkamadda Ciidamada Qalabka Sida iyo Denbiyada Culus ee maamulka Puntland ayaa saakay xukun dil ah ku riday askari katirsanaa ciidamada badda ee Puntland oo lagu eedeeyay in uu fududeeyay dil ka dhacay Boosaaso.

Askarigan katirsanaa ciidamada Badda ee Puntland oo lagu magacaabo Dable Cabdi Cali Xirsi ayaa lagu helay in uu fududeeyay dilkii gudaha Dekadda Boosaaso nin hubeesan ugu geestay Maareeyihii shirkadda P&O Paul Anthony Farmosa .

Dhageysiga dacwada loo heesto askarigan kadib ayaa Maxkamada ciidamada Puntland ku dhawaaqday in askariga dambiga lagu soo eedeeyay lagu helay laguna riday Xukun dil ah, waxaana askarigan u furan in xukunka uu ka qaato racfaan.

Al Shabaab ayaa horey u sheegatay masuuliyada dilkan loo geestay ninkan u dhashay Jaziira Malta ee maamulayay Dekadda magaalada Boosaaso, waxaana dilkan saameyn ku yeeshay howlihii shaqo iyo maamul ee dekadda Boosaaso.

|| Warbaahinta WidhWidh Online News Desk ||

-- Nagala soo xariir : WidhWidh@gmail.com

Share this post

PinIt
    scroll to top