BREAKING NEWS

Korneyl Caare oo si adag uga hor-yimid shuruudihii Muuse Biixi,

Hogaamiyaha Jabhada ‘Dulmi-diid’, Kornayl Saciid Caare ayaa si adag uga jawaab celiyay shuruudo uu madaxweyne Biixi ku xiray cafis ay xukuumadiisu u fidiso Caare.

Madaxweyne Biixi ayaa shalay si rasmi ah ugu dhawaaqay inuu cafiyey dhamaan ciidamada Jabhada Korneyl Caare ee dagaalka kula jira xukuumadiisa.

Biixi ayaa sidoo kale waxa uu sheegay in cafinta Korneyl Caare looga baahanyahay in la raaco sharciyad, isagoona xusay in ciidamada iyo saraakiishoodu ay kala kiis yihiin, isla markaana cafintiisa ku xiray inuu isku soo dhiibo Somaliland, oo uu ka soo laabto fikirka jabhadiisa.

Korneyl Caare oo isaguna warbaahinta la hadlaya ayaa ka biyo diiday shuruudaha uu ku xiray Madaxweyne Biixi, isagoona sheegay inaysan matalin odayaashii shalay Madaxweynaha kula kulmay madaxtooyada.

Korneylka ayaa sheegaya in uu si weyn uga soo horjeedo hab maamulka Biixi iyo sida uu u hagayo xukuumadiisa, isla markaana uu sii wadi doono dagaalka uu kula jiro Somaliland oo uusan marnaba joojin doonin.

Madaxweyne Muuse Biixi ayaa shalay qasriga madaxtooyada Somaliland kula kulmay odayaal ka soo jeeda beesha Korneyl Caare, kuwaasi oo dabada ka riixayay in la damiyo colaada ka dhaxeysa Jabhada iyo Xukuumada Biixi, qeybna ka ahaa go’aankii uu Madaxweynuhu cafiska ugu fidiyay ciidamada la jooga Caare, iyagoona ku guul-dareysatay in bilaa shuruud lagu cafiyo hogaamiyaha jabhada.

|| Warbaahinta WidhWidh Online News Desk ||

-- Nagala soo xariir : WidhWidh@gmail.com

Share this post

PinIt

    Leave a Reply

    Your email address will not be published.

    scroll to top