BREAKING NEWS

Guddiga Doorashada Garabka Madaxweyne Xaaf oo Shaaciyay Jadwalka Doorasho Ee Galmudug

Guddiga doorashada Galmudug, gaar ahaan garabka uu magacaabay Madaxweyne, Axmed Ducaale Geelle (Xaaf) ayaa soo saaray jadwal cusub oo ku aadan doorashada guud ee maamulkaasi.

Warqad ka soo baxday guddiga ayaa lagu shaaciyay in doorashada guddoonka baarlamaanka ay dhaceyso 25-ka bishaan Janaayo ee 2020-ka

Sidoo kale waxaa qoraalkaan lagu sheegay in diiwaan-gelinta musharaxiinta Mmdaxweynaha ay bilaabaneyso isla 27-ka bishaan, kadibna doorashada madaxweynaha cusub la qaban doono 1-da bisha soo socota ee sanadkaan 2020-ka.

Jadwalkaan ayaa ah mid ka duwan kii ay soo saareen guddiga farsamada ay dowladdu magacawday, kaas oo ka howlgalla magaalada Dhuusamareeb ee gobolka Galgaduud.

Arrintaan ayaa sababi karta in Galmudug ay yeelato laba madaxweyne, haddi aan xal rasmi ah laga gaarin ololaha iska soo horjeeda ee ka socda Dhuusamareeb iyo Gaalkacyo.

|| Warbaahinta WidhWidh Online News Desk ||

-- Nagala soo xariir : WidhWidh@gmail.com

Share this post

PinIt
    scroll to top