BREAKING NEWS

Wasiiradii & Xildhibaanadii ka socday Puntland oo iskaga baxay Dharkayn-geeyo kadib markii Somaliland……

Wararka ka imaanaya deegaanka Dharkayn-geenyo oo dhaca Koonfurta gobolka Sool ayaa sheegaya in deegaankaasi ay iskaga baxeen xubno wasiiro iyo xildhibaano ah oo ka tirsan dowladda Puntland, kadib markii Somaliland ay ciidamo u dirtay deegaankaasi.

Wasiirada iyo xildhibaanada Puntland oo ay kamid yihiin gudoomiye ku xigeenka labaad ee Baarlamaanka Puntland iyo wasiirada Caafimaadka iyo Arrimaha gudaha Puntland ayaa khilaaf xoogani soo kala dhex galay xubno kale oo ka tirsan Somaliland, kadib markii wasiirka Warfaafinta Somaliland Saleebaan Cali Koorre oo u diiday ka qayb galka munaasibada caleema saarka Garaad Mukhtaar Garaad Cali Buraale oo maanta lagu caleema saarayo deegaanka Dharkayn-geenyo.

Wararka kala duwan oo soo baxaya ayaa sheegaya in waftiga ka socday Puntland ee ka qayb gali lahaa munaasibadaasi ay iskaga baxeen isla markaasna arintaasi loo aanayno amaro kala duwan oo la dul dhigay, kuwaas oo ay kamid yihiin in aysan magaalada la galin wax hub iyo ciidan ah sidoo kalena sidii qaab shacab oo kale ay uga qayb galaan munaasibada caleema saarka Garaad Mukhtaar Garaad Cali Buraale.

Arintani oo sababtay xiisad cusub ayaa xubnahani waxa ay kala hadleen Garaadka guud ee Beesha Dhulbahante Garaad Jaamac Garaad Cali Garaad Jaamac oo ay kula kulmeen deegaanka Saax Dheer, waxaana wararkii ugu dambeeyey ay sheegayaan in waftigii ka socotay Puntland ay iskaga baxeen Dharkayn-geeyo oo u jihaysteen dhanka magaalada Garowe ee caasimada Puntland.

|| Warbaahinta WidhWidh Online News Desk ||

-- Nagala soo xariir : WidhWidh@gmail.com

Share this post

PinIt
    scroll to top