BREAKING NEWS

Dowladda Imaaraadka oo Ka Hashay Lacagtii Lagu Qabtay Adan Cadde & Beentii uu Safiirku Dalka Ugu Bixi Lahaa u Sheegay

Danjiraha Dowladda Imaaraadka Carabta u fadhiya Soomaaliya Maxamed Axmed Osmaan Al-Xamaadi ayaa sheegay in lacagta Ciidamada Dowladda Soomaaliya ay ku qabteen Magaalada Muqdisho aysan ku socon Safaaradda Imaaraadka ee Muqdisho.

Danjire Maxamed waxaa uu sheegay in lacagtaas ay tahay mushaarka Ciidamada dowladda ee ay tababarto Imaaraadka iyo Ciidamada badda ee Maamulka Puntland.

Dowladda Federaalka ah ayaa shalay diyaarad sidda lacag farabadan ku qabatay Magaalada Muqdisho,waxaana lacagtaas la wareegay Dowladd feedraalka ah iyada oo lagu shubay Bangiga dhexe ee Soomaaliya.

Duuliyaha Diyaaradda iyo labo qof oo la socotay ayaa Ciidamada amaanka ee Garoonka Aadan Cadde u diiday in ay u sheegaan waxa saaran diyaaradda hayeeshee ciidamada la dagaallanka argagixisada ee ku sugan Garoonka Aadan Cadde ayaa u galay gudaha diyaaradda waxaana ay baaritaan kaddib heleen Boorsooyin lacag doollar ah oo ku dhow $10Milyan oo doollarka Mareykanka ah.

Saraakiisha Ciidamada dowladda u hadashay ayaa iyaguna sheegay in lacagta mushaarka ee Ciidamada dowladda iyo kuwa Badda Puntland aysan dhameyn $1Milyan oo doollar lacagtanna ay tahay mid ka badan.

War- saxaafadeed ay soo saartay Dowladda Soomaaliya ayey ku sheegtay in lacagtaas uu hadda ku socdo baaritaan laguna shubay Bangiga dhexe ilaaa baaritaanka uu ka dhamaadana ay halkaas ku jiri doonto.

|| Warbaahinta WidhWidh Online News Desk ||

-- Nagala soo xariir : WidhWidh@gmail.com

Share this post

PinIt
    scroll to top