BREAKING NEWS

Wararkii u dambeeyay diyaarada Ethiopia Airline oo burburtay iyo khasaaraha ka dhashay

Warar dheeraad ah ayaa kasoo baxaya burburka diyaarad ay leedahay shirkadda Ethiopia Airline oo ku wajahneyd magaalada Nairobi ee dalka Kenya.

Diyaaradda ayaa ka duushay magaalada Addis Ababa ee dalka Ethiopia, waxaana la sheegayaa inay dhinteen rakaab badan oo diyaaradaasi saarnaa.

Nooca diyaaradda Ethiopian Airline ee burburtay ayaa la sheegay inay aheyd  Boeing 737 , waxaana saarnaa rakaab gaaraya 157 qof, sida lagu sheegay qoraal kasoo baxay xafiiska ra’iisul wasaaraha Ethiopia.

Xafiiska Ra’iisal wasaaraha Ethiopia , ayaa qoral laga soo saaray waxaa loogu tacsiyeey ehelada ku waayay kuwii ay jeclaayeen.

Lix daqiiqo kadib markii diyaaradda ay ka duushay garoonka Bole International ee magaalada Addis Ababa ayaa la sheegay inay burburtay.

|| Warbaahinta WidhWidh Online News Desk ||

-- Nagala soo xariir : WidhWidh@gmail.com

Share this post

PinIt
    scroll to top