BREAKING NEWS

Madaxweyne Olusegun Obasanjo oo booqasho ku imanaya Magaalada Hargaysa

Madaxweynihii hore ee dalka Nigeria Olusegun Obosanjo ayaa maanta booqasho ku tagaya magaalada Hargeisa  ee xarunta maamulka Somaliland.

Obasanjo ayaa haatan madax ka ah hey’ad fadhigeedu yahay Koonfur Afrika oo la yiraahdo  Brenthurst Foundation oo ka shaqeysa horumarinta dhaqaalaha Afrika.

War ay soo saartey Brenthurst Foundation  ayaa waxay ku sheegtay in Obasanjo tagayo Hargeisa kadib markii ay codsi ka heleen madaxweynaha Somaliland Muuse Biixi.

Madaxweyne Olusegun Obasanjo ayaa ka dib booqasho ku iman-doonaa magaalada Muqdisho, isagoo u kuur-geli-doonna inuu is-dul istaago xaqiiqooyin kala duwan, wuxuuna kulamo la qaadan doonaa madaxda dowlada qaarkood.

Obasanjo ayaa Madaxweyne ka soo noqday dalka Nigeria sanadihii 1999-2007, waana rug cadaa siyaasadeed oo caan ka ah qaarada afrika iyo caalamka intiisa kale.

|| Warbaahinta WidhWidh Online News Desk ||

-- Nagala soo xariir : WidhWidh@gmail.com

Share this post

PinIt
    scroll to top