BREAKING NEWS

Weeraro toos ah lala’ beegsaday goob hubka lagu keydiyo oo ku taalla Sacuudig

Kooxda Xuutiyiinta ee dalka Yemen ayaa maanta sheegay inay weerareen keyd hub oo ku yaalla magaalada Koonfureed ee Najran ee dalka Sacuudiga.

Afhayeen u hadlay isbahaysiga Sacuudiga uu hoggaamiyo ee Xuutiyiinta kula dagaalamaya Yemen ayaa sheegay in weerarkan lagu fuliyey diyaarado aysan cidno wadin oo siday walxo qarxa, isla markanaa lala beegsaday goob ay dadka rayidka adeegsadaan.

Warbixinta dowladda Sacuudiga ma aysan sheegin wax khasaare ah oo ka dhashay weerarka.

Mas’uuliyiinta Sacuudiga ayaa sheegay isniintii inay dhexda ka qabteen laba gantaal oo maleeshiyada Xuutiyiinta soo tuureen. Labada gantaal, oo la sheegay inay ku wajahnaayeen Makkah ayaa laga kala qabtay hawada magaalooyinka Taa’if iyo Jeddah, balse Xuutiyiinta ayaa beeniyey inay wax gantaal ah ku tuureen Makkah.

|| Warbaahinta WidhWidh Online News Desk ||

-- Nagala soo xariir : WidhWidh@gmail.com

Share this post

PinIt
    scroll to top