BREAKING NEWS

Ururka Iskaashiga Islaamka oo Jabuuti ku taageeray ololaheeda kursiga QM

Ururka Iskaashiga Islaamka ayaa shaaciyay in uu dowladda Jabuuti uu ku taageeri doono Ololaha ay Ugu jirto kursiga Afrika ee Qaramada Midoobey oo ay ku tartamaayay dalalka Kenya iyo Jabuuti.

Codeyntii midowga Afrika ee Cidda Kursigaasi ku mataleysa Afrika ayaa waxaa ku guuleysatay dowladda Kenya, laakiin Jabuuti waxa ay sheegtay in dalalka kale ee Carabta ay taageero ka raadsan doonto.

Ururka Iskaashiga Islaamka ee OIC ayaa War kasoo baxay dowladda Jabuuti loogu  ballanqaaday in ay ku taageeri doonaan kursiga aan joogtada ahayn ee Golaha amaanka ee Qaramada Midoobey, maadaama dowladda Jabuuti ay ka mid tahay Ururka Iskaashiga Islaamka laakiin Kenya aysan ku jirin.

Waddamada ku jira Ururka Iskaashiga Islaamka ayaa waxaa ay ka koobanyihiin 57 Dowladood, waxaana hadii Codkooda ay siiyaan ay ka guuleysan kartaa Jabuuti dowladda Kenya.

Waddamada Mareykanka, China, Japan iyo kuwo kale ayaa sidoo kale taageeraya dowladda Jabuuti maaddaama ay saldhig Milatari ku leeyihiin.

|| Warbaahinta WidhWidh Online News Desk ||

-- Nagala soo xariir : WidhWidh@gmail.com

Share this post

PinIt
    scroll to top