BREAKING NEWS

Xubno ka mid ah Jabhadda Suldaan Wabar ee AWDAL oo u gacan galay ITOOBIYA

Warar hadda na soo gaaraya ayaa sheegaya in qaar ka tirsan Jabhadii Suldaan Wabar ay dowladda Itoobiya gacanta ku dhigtay, kadib markii ay xadkeeda u gudbeen.

Ciidamadaasi ka tirsan Jabhada Wabar ayaa waxa la sheegay in kadib markii ay weerar ku qaadeen saldhiga dhexe ee magaalada Boorama, ay qaarkood ka gudbeen xadka Itoobiya, midaasi oo dowladdaasina u sahashay inay gacanta ku dhigaan.

Somaliland ayaa dowladda Itoobiya ka dalbatay in ay u soo gacan galiso labo ka tirsan ciidamada Suldaan Wabar oo ay gacanta ku hayso, kuwaasi oo si weyn uga soo horjeeda xukuumada Muuse Biixi.

Wararka ayaa sidoo kale waxay sheegayaan in Somaliland ay dalbatay in ragaasi gacanta lagu soo dhigo kadib markii ay dowladda Itoobiya ku wargelisay in xuduudkooda u soo gudbeen ragaasi oo kamid ahaa Ciidamo ka tirsan Jabhada Wabar oo weerar ku qaaday saldhiga dhexe ee Boorama.

Weerarka ay Ciidamada Jabhada Wabar ku soo qaadeen saldhiga dhexe ee magaalada Boorama ayaa noqonayo midkoogi ugu horeeyay ee ay soo qaadan kadib rogaal celintoodi, iyadoona ay ugu dambeysay weerar dagaal oo ay gudaha Somaliland ka fuliyaan 2017-kii.

|| Warbaahinta WidhWidh Online News Desk ||

-- Nagala soo xariir : WidhWidh@gmail.com

Share this post

PinIt

    One Reply to “Xubno ka mid ah Jabhadda Suldaan Wabar ee AWDAL oo u gacan galay ITOOBIYA”

    1. blank tinyurl.com says:

      If you wish for to get a great deal from this post then you have
      to apply these techniques to your won blog.

    Comments are closed.

    scroll to top