BREAKING NEWS

Kiisaska Corona virus ee deganada Puntland oo sii kordhay

Wasaaradda Caafimaadka maamulka Puntland ayaa faahfaahin ka bixisay Kiisaska Cudurka Corona virus ee degaanada maamulka Puntland maalmihii ugu dambeeyay.

Puntland waxa ay sheegtay in kiisaska Cudurka ay sare u kaceen maalmihii lasoo dhaafay, islamarkaana ay walaac ka muujiyaan kororka Cudurka ee degaanada maamulka Puntland.

Waxaa la baaray 16 iyo 17 bisha August 60 qof oo 7 qof oo ka mid ah laga helay xanuunka safmareenka ah ee Covid 19.

7 qof xanuunka laga helay ayaa da’doodu udhaxaysaa 27 sano jir ilaa 40 jir, 7 qof xanuunka laga helo ayaa Garowe jooga, hal qof ayaana soo biskooday.

Tirada guud ee dadka xanuunka laga helay Puntland ee shaybaarku xaqiijiyey ayaa hada gaartay 400 qof waxaa udhintay 9 qof waxaa ka bogsaday 204 qof.

|| Warbaahinta WidhWidh Online News Desk ||

-- Nagala soo xariir : WidhWidh@gmail.com

Share this post

PinIt
    scroll to top