BREAKING NEWS

Muxuu Tedros Adhanom kaga jawaabay eedeyntii kaga timid dowlada Itoobiya?

Madaxa Ha’yadda Caafimaadka Adduunka Dr. Tedros Adhanom ayaa beeniyay eedeymo uu u jeediyay taliyaha guud ee ciidamada militeriga Itoobiya kaasoo sheegay inuu TPLF ka caawiyay hubka ay kula dagaalamayaan ciidamada Itoobiya.

“Waxaa jiray warar sheegayo in aan dhinac taageerayo, ma ahan arrin sax ah, waxaana sheegayaa in aniga aan taageersanahay hal dhinac, waana dhinac nabadda” ayuu yiri Tedros oo qoraal bartiisa Twitter-ka soo dhigay.

Wuxuu ugu baaqay dhinacyada ku dagaallamayo Tigray inay wadahadal ay ku soo afjaraan xiisadda si adeegyada caafimaadka iyo gargaarka loo gaarsiiyo shacabka.

Dr. Tedros ayaa kasoo jeedaa qowmiyadda Tigreega, wuxuuna ahaa wasiirkii Caafimaadka ee Maamulkii TPLF, isagoo sidoo kalena mar noqday Wasiirka arrimaha dibeda.

Taliyaha ciidamada xooggaItoobiya Berhanu Jula ayaa ku eedeeyay madaxa ha’yadda Caafimaadka Adduunka in uu wado tallaabooyin uu ku garab siinayo TPLF xilli ciidamada dowladda ay dagaal kula jiraan.

|| Warbaahinta WidhWidh Online News Desk ||

-- Nagala soo xariir : WidhWidh@gmail.com

Share this post

PinIt
    scroll to top